En tos tens, que vente bise

Blondel De Nesle

Description

Blondel de Nesle — C h a n s o n s
« En tos tens, que vente bise »
eCHANSON XV
En tos ...

Informations

• Publié par: munec
• Nombre de lectures: 97
• Langue: Français

Extrait

En tos tens que vente bise,

Pour cele dont sui sorpris, Qui n’est pas de moi sorprise, Devient mes cuers noirs et bis. De fine amour l’ai requise, Qui cuer et cors m’a espris, Et s’ele n’en est esprise, Por mon grant mal la requis.

Mais la douleurs me devise,

Qu’a la millor me sui pris, Qu’ains fut en cest mond prise, Sé j’estoie à son devis ! Tort a mes cuers, qui s’en prise, Car ne sui pas si eslis, S’ele eslit, qu’ele m’eslise : Trop seroie de haut pris.

Et nequedent destinée

Done à la gent maint pensé. Tost i metra sa pensee, S’Amors li a destinée. Je vis ja telle dame amée D’hom de leur bas parenté, Qui miex iert emparentée, Et si l’avoit bien amé.

Por c’est droit, s’Amors m’agrée,

Que mon cuer li ai doné ; Sé s’amors ne m’a donée, Tant la servirai à gré. S’il plaist à la désirrée, Un dols baisier a celée Aurai de li à celé, Que je tant ai désiré.

Blondel de Nesle —Chansons

« En tos tens, que vente bise »

e CHANSON XV