AMASSA EXIGEM LA RETIRADA DEL CPE CPE = Contracte ...

De
Publié par

AMASSA EXIGEM LA RETIRADA DEL CPE. CPE = Contracte Precari d'Embaucha.  Al mes de junh passat, la drecha impausèt lo CNE (Contracte ...

Publié le : lundi 16 avril 2012
Lecture(s) : 12
Nombre de pages : 1
Voir plus Voir moins
AMASSA EXIGEM LA RETIRADA DEL CPE
CPE = Contracte Precari d’Embaucha
A
l mes de junh passat, la drecha impausèt lo CNE (Contracte d’Embaucha Novèla) als emplegats de
las entrepresas de mens de 20 salariats.
Ara vòl espandir lo dispositiu a totes los joves de mens de 26 ans.
S’un còp d’arrèst es pas marcat tre ara, dins qualquas mesadas la drecha impausarà son projecte
complet : lo desmantèlament del còdi del trabalh amb la disparicion definitiva del CDI (Contracte de
Durada Indeterminada).
Desempuèi qualquas setmanas ja, pertot en França, joves, liceans, estudians e salariats se
mobilisant per exigir la retirada del CPE. Amassa, amplifiquèm aqueste moviment.
Aquí perqué exigèm la retirada del CPE :
Un Contracte de Precaritat e d’Exclusion
Lo CPE institucionalisa lo trabalhaire escampable : quora que siague los joves poiran èsser
licenciats.
Lo CPE balha a l’emplegaire un permés de licenciar a volontat. D’ara enlà serà quitament pas obligat
de motivar la remandada del seu jove salariat.
Lo CPE exigís cap de garantida dels patrons qu’atal poiran licenciar a discrecion. Poiran, alavetz,
remplaçar un jove en cima de contracte CEP, per un autre jove en CEP e contunhar de beneficiar de
las exoneracions de cargas.
Lo CPE balha quitament pas drech al versament d’una prima de precaritat.
Lo CPE s’aplica pas unicament a la primièra embaucha. Atal un jove poirà sautar de CPE en CPE.
Un contracte sens avenidor
Lo CPE interdich als joves tota bastison de projècte social.
En baratant los joves sul mercat del trabalh, lo CPE organisa la concuréncia entre las generacions.
Un contracte sens emplec
Lo CPE crearà pas cap d’emplec suplementari. Aquò se vegèt amb lo CNE, vertadièra fortuna pels
patrons : los qu’an signat un CNE serián estats, de tot biais, recrutats.
Al revenge, amb lo CPE, totes los joves de mens de 26 ans serán potencialament precaris. I comprés
los qu’aurián pogut èsser embauchat en CDI.
Se pòt pas crear d’emplecs en afreulejant los salariats, nimai en precarisant la joventut. Encara
mens en tornant metre en causa los dreches acquesits dels salariats (CPE, trabalh de nuèit dels
menors, aprendissatge a 14 ans, remesa en causa dels dreches dels estrangièrs, e lo demai …).
Amassa fasem la contra a la politica de la drecha !
http://partitoccitan.org
Soyez le premier à déposer un commentaire !

17/1000 caractères maximum.

Diffusez cette publication

Vous aimerez aussi