Occitan - Langue d'Oc (Languedocien) LV2 2005 Littéraire Baccalauréat général

De
Publié par

Examen du Secondaire Baccalauréat général. Sujet de Occitan - Langue d'Oc (Languedocien) LV2 2005. Retrouvez le corrigé Occitan - Langue d'Oc (Languedocien) LV2 2005 sur Bankexam.fr.
Publié le : mardi 26 janvier 2010
Lecture(s) : 38
Nombre de pages : 2
Voir plus Voir moins
Una jornada de licèuSe traire del lièch, se passar un pauc d’aiga pel morron, se vestir, aquò èra pro lèu fach. Lo licèu èra calfat, quitament melhor qu’al nòstre ostal. Caliá tanben far lo lèit, que degun tibava pas los lençòls a nòstra plaça. Pus tard, deviái èsser en segonda, inventèron de far de gimnastica; lo pion que, el, s’èra levat abans, n’èra encargat. Degun n’èra pas estrambordat. Dejunar, passar en estudi quèrre los afars, libres e quasèrns, e, a uèit oras, caliá èsser installats en classa. L’esquila o comandava tot, l’engoliment del manjar, la corsa per se metre en reng, la montada pels escalièrs, lo silenci dins la sala. I aviá una pausa corteta a dètz oras, un desenat de minutas, e la matinadas’acabava a miègjorn. Lo dinnar, seguit d’una recreacion ont podiam jogar, puèi d’una pichona mièja orada d’estudi, e caliá reprene los corses a doas oras per acabar a quatre. Aquí se plaçava lo melhor moment de la jornada. Demoràvem pas que los pensionaris, mainatges dels vilatges gròsses de la plana tant coma los dels masatges perduts dins las combas cevenòlas. Aviam una oras per vespertinar, disiam gostar. Tant que durèron las « restriccions », tenguèrem dins una sala especialament reservada per aquel usatge, la caisseta de las provesions, sonhosament tampada amb un cadenat. Lo local sentissiá a rance a fòrça de veire desfilar salsissas e salsissats, talhons de cambajons e bodins que nos donavan los parents. A la carnufalha se mesclavan los perfums de totes los fruches del País sovent transformats en confitura dins los pairòls familials. Quand dobrissiái la caisseta, i retrobavi la sentor de mas montanhas que montava dels topinons de confitura d’arboças e de castanhas que ma grand aviá fach còire amorosament. D’auton, èra la flaira de la pasta de codonhs que dominava e que portava al meus uèlhs la vision paradisenca de las soladas d’aqueles fruches que triàvem lo ser a l’ostal, abans de los metre a confir.A cinc oras - se disiá pas ges dètz-e-sèt oras coma ara -èra l’estudi long fins a las sèt. Ne profechàvem per far lo gròs de nòstre trabalh d’escòla e lo mèstre repetidor, qualque ensenhaire reconvertit o un estudiant tardièr, nos podiá ajudar se caliá, mas èra puslèu rar. Aimàvem mai nos explicar entre nautres. A sèt oras, l’estudi contunhava mas amb un segond pion, coma se lo primièr, tròp alassat, aviá besonh de relèva. Mas nosautres, infatigables, contunhàvem d’arreu fins a sèt e mièja ont l’esquila tindava d’un biais mai gaujós per nos convidar al sopar. Tre que lo darrièr repais èra acabat, aprèp una recreacion corta, montàvem al dormitòri. Cristian Laus, Los uèlhs de l’anhèl, I.E.O., 1999.Académie de Montpellier  Baccalauréat généralEpreuve écrite de LV2OccitanLangue d’Oc Session 2005, p. 1
Questions série L I - Compréhension A. Questions sul tèxt. . Respondètz dins l’òrdre, a las questions en justificant vòstras responsas en referéncia al tèxt. Totas las responsas a las questions seràn redigidas amb de frasas completas. 1 -Qual es que parla ? Que sabèm d’el? 2 - Cossí se debanan las jornadas al licèu ? Que ne pensatz ? 3 - Que se passa a aquesta epòca que se parla de "restriccions" ? 4 - Que manjan lo mond pel vespertin ? D'ont venon aquestas mangisclas ? 5 - Qual efièch fan sul narrator ? B. Reviratz al francés la fin del segond paragraf, de « Lo local » a « confir ». II - Expression personala 1 - Comparatz vòstras jornadas de trabalh a las del narrator. Que i a de diferent ? (150 mots) 2 - Contatz un periòde que l'avètz passat luènh de vòstra familha, en collectivitat. Vos mancava l'ostal ? (150 mots) * * * Questions série S I - Compréhension A. Questions sul tèxt. . Respondètz dins l’òrdre, a las questions en justificant vòstras responsas en referéncia al tèxt. Totas las responsas a las questions seràn redigidas amb de frasas completas. 1 -Qual es que parla ? Que sabèm d’el ? 2 - Cossí se debanan las jornadas al licèu ? Que ne pensatz ? 3 - Que se passa a aquesta epòca que se parla de "restriccions" ? 4 - Que manjan lo mond pel vespertin ? D'ont venon aquestas mangisclas ? 5 - Qual efièch fan sul narrator ? B. Reviratz al francés la debuta del segond paragraf, de « Dejunar» a «s’acabava a miègjorn». II - Expression personala Avètz la causida entre aquestas doas questions : siá - Contatz un periòde que l'avètz passat luènh de vòstra familha, en collectivitat. Vos mancava l'ostal ? (200 mots) siá - Podètz contar un remembre de vòstre vida ligat a una odor ? (200 mots) Barème conseillé Pour faciliter l’évaluation, on notera sur 100 chaque partie, et on divisera le total des points par 10.On tiendra compte de la compétence linguistique - correction, richesse lexicale et syntaxique -particulièrement dans l’expression personnelle.
Académie de Montpellier  Baccalauréat généralEpreuve écrite de LV2OccitanLangue d’Oc Session 2005, p. 2
Soyez le premier à déposer un commentaire !

17/1000 caractères maximum.