PWYLLGOR ARCHWILIO, 31.07.06

Ysg026

Informations

• Publié par: Syas
• Nombre de lectures: 96
• Langue: Welsh

Extrait

PWYLLGOR ARCHWILIO 31.07.06

PWYLLGOR ARCHWILIO, 31.07.06

Yn bresennol:

Y Cynghorydd Gwilym O.Williams (Is-Gadeirydd yn cadeirio);

Y Cynghorwyr: Tom Ellis, E.H. Griffith, Selwyn Griffiths, Brian Jones, Charles Wyn Jones,

Michael Sol Owen a W. Tudor Owen; Peredur Jenkins (Arweinydd Portffolio).

Hefyd yn Bresennol:

Dilys A Phillips (Pennaeth Gweinyddol a Gwarchod y Cyhoedd), Dafydd

Edwards (Pennaeth Cyllid), William E.Jones (Uwch Reolwr Cyllid), Dewi Morgan (Rheolwr

Archwilio a Risg), Ffion Madog Evans (Rheolwr Cyllid – Adnoddau a Chorfforaethol), Helen

L.Williams (Cyfrifydd Cyfalaf a Rheolaeth), Nia Wyn Jones (Swyddog Pensiynau a

Buddsoddiadau) ac Eirian Roberts (Swyddog Pwyllgor).

Ymddiheuriadau:

Y Cynghorwyr Edward Dogan, Huw P.Hughes, Robert J.Hughes, Henry

Jones, Dewi Lewis a Godfrey Northam.

1.

COFNODION

Llofnododd y Cadeirydd gofnodion y cyfarfod o’r pwyllgor hwn a gynhaliwyd ar 5 Mehefin

2006 fel rhai cywir.

2.

CYFRIFON TERFYNOL 2005/06

Cyflwynwyd – y datganiadau statudol o gyfrifon y Cyngor am 2005/06.

Rhoddodd yr Arweinydd Portffolio Cyllid gyflwyniad ar y cefndir perthnasol drwy nodi –

(1)

y gofynnid i’r pwyllgor hwn fabwysiadu’r datganiadau ariannol statudol ar gyfer eu

cyhoeddi a’u harchwilio.

(2)

mai pwrpas y datganiadau statudol o’r cyfrifon oedd cyfrannu tuag at lywodraethu

priodol, gan ddangos sefyllfa ariannol y Cyngor ar ffurf safonol.

(3)

y rhoddwyd sylw manwl i gronfeydd penodol yn y Grŵp Tasg Technegol Cyllid ar

13 Mehefin, 2006 ac y cyflwynwyd argymhellion perthnasol y Grŵp Tasg i’r

Pwyllgor Craffu Adnoddau a Chorfforaethol ar 29 Mehefin ac i Fwrdd y Cyngor ar

4 Gorffennaf. Erbyn hyn, ‘roedd y datganiadau statudol o’r Cronfeydd a

Reserfau ar dudalennau 39-41 o’r llyfr cyfrifon yn adlewyrchu’r penderfyniadau

hynny.

(4)

y cyflwynwyd dau adroddiad ar sefyllfa ariannol derfynol gwasanaethau’r Cyngor

i’r Pwyllgor Craffu Adnoddau a Chorfforaethol ar 29 Mehefin – y naill ar “Gyfrifon

Refeniw Terfynol” a’r llall ar “Wariant Cyfalaf 2005/06” – a’u bod yn dangos

tanwariant neu orwariant pob gwasanaeth, er mwyn pennu’r symiau i’w cario

ymlaen i 2006/07. ‘Roedd argymhellion y Pwyllgor Craffu bellach wedi’u

cyflwyno i Fwrdd y Cyngor ar 4 Gorffennaf, ac ‘roedd y Cyfrif Refeniw ar dudalen

11 o’r llyfr cyfrifon yn adlewyrchu’r penderfyniadau perthnasol.

(5)

oherwydd newid i’r gofynion statudol, bod rhaid i’r Pwyllgor Archwilio fabwysiadu

cyfrifon 2005/06 erbyn diwedd Gorffennaf eleni (o gymharu â diwedd Medi yn y

blynyddoedd a fu) ac y byddai’n rhaid mabwysiadu’r cyfrifon erbyn diwedd

Mehefin o’r flwyddyn nesaf ymlaen.

I gloi, diolchodd yr Arweinydd Portffolio i staff y Gwasanaeth Cyllid am gyflawni’r holl

waith o fewn amserlen dynn iawn ac argymhellodd i’r aelodau fabwysiadu’r llyfr cyfrifon.

1

PWYLLGOR ARCHWILIO 31.07.06

Yna ymhelaethodd y swyddogion canlynol ar gynnwys y rhannau a nodir o’r llyfr cyfrifon

gan wahodd cwestiynau o’r llawr.

Swyddog

Rhan o’r Llyfr Cyfrifon

Tud.

Pennaeth Cyllid

1 – Rhagymadrodd

1-5

2 – Datganiadau a Pholisïau Cyfrifo

6-10

Uwch Reolwr Cyllid

3 – Y Cyfrif Refeniw a Nodiadau i’r Cyfrif Refeniw

11-20

4 – Atodiad A – Dadansoddiad Gwariant ar

Wasanaethau

64-66

5 – Cyfrif Refeniw Tai a Nodiadau i’r Cyfrif

Refeniw Tai

21-24

6 – Y Fantolen a Nodiadau i’r Fantolen

25-36

7 – Symudiadau yn y Reserfau a Nodiadau ar y

Symudiadau yn y Reserfau

37-43

Rheolwr Cyllid

(Adnoddau a

Chorfforaethol)

8 – Llif Arian a Nodiadau ar y Llif Arian

44-46

9 – Cyfrifon Grŵp

47-49

10 – Ymddiriedolaethau

50-51

Pennaeth Cyllid

11 - Cronfa Bensiwn a Nodiadau'r Gronfa Bensiwn

52-61

12 – Barn a Thystysgrif yr Archwiliwr Dosbarth

62-63

Holwyd nifer sylweddol o gwestiynau ar sawl agwedd o’r llyfr cyfrifon, gan gynnwys y

polisïau cyfrifo, gwerth cymharol y balansau a’r reserfau penodol, materion parthed

ymddiriedolaethau a digonolrwydd y Gronfa Bensiwn. Darparwyd ymatebion llawn i’r

rhain ar lafar gan y Pennaeth Cyllid, yr Uwch Reolwr Cyllid, y Rheolwr Cyllid (Adnoddau

a Chorfforaethol) a’r Cyfrifydd Cyfalaf a Rheolaeth. Arweiniodd y cwestiynau isod at

ddau gais am weithredu pellach –

(1)

Y Cyfrif Refeniw a Nodiadau i’r Cyfrif Refeniw – Nodyn 10 – Taliadau i Weithwyr

(tud. 16) – Cwestiynwyd cywirdeb y tabl “

Nifer Gweithwyr y Cyngor a

dderbyniodd fwy na £60,000

” oedd yn datgan na fu i unrhyw weithiwr dderbyn

£80,000 ac uwch yn 2004/05 a chytunodd yr Uwch Reolwr Cyllid i edrych i mewn

i’r mater ac esbonio’n uniongyrchol i’r aelod oedd yn cwestiynu.

(2)

Y Cyfrif Refeniw a Nodiadau i’r Cyfrif Refeniw - Nodiadau 16 ac 17 - Y Dreth

Gyngor a’r Dreth Ddi-Annedd Genedlaethol (tud. 18-19) - Cyfeiriwyd at y ffigurau

“

Darpariaeth Dyledion Drwg

” yn y tablau sy’n dadansoddi’r incwm net sy’n deillio

i’r Cyngor o’r trethi hyn a holwyd faint o ddyledion drwg sy’n cael eu dileu gan y

Cyngor. Cytunodd y Pennaeth Cyllid i ddod â’r ffigurau perthnasol gerbron yr

aelodau yng nghyfarfod dilynol y Pwyllgor Archwilio. Yn y cyd-destun hwn,

sicrhaodd yr Arweinydd Portffolio Cyllid yr aelodau fod pob ymdrech yn cael ei

wneud i adennill dyledion ac eglurodd yr Uwch Reolwr Cyllid fod y ffigurau’n

ymddangos yn waeth eleni oherwydd yr angen i gau’r cyfrifon ynghynt.

PENDERFYNWYD mabwysiadu’r datganiadau ariannol statudol o gyfrifon y

Cyngor am 2005/06 ar gyfer eu cyhoeddi a’u harchwilio.

3.

DATGANIAD RHEOLAETH FEWNOL 2005-06

Cyflwynwyd – adroddiad y Rheolwr Archwilio a Risg yn cyflwyno’r Datganiad Rheolaeth

Fewnol ar gyfer 2005/06 er cymeradwyaeth y pwyllgor.

Adroddodd y Rheolwr Archwilio a Risg –

(1)

ei bod yn ofynnol i awdurdodau lleol Cymru gynhyrchu Datganiad Rheolaeth

Fewnol (DRhF) blynyddol yn unol â Rheoliad 4(2)(a) o Reoliadau Cyfrifon ac

2

PWYLLGOR ARCHWILIO 31.07.06

Archwilio (Cymru) 2005. Er y bu gofyn ers oddeutu 3 blynedd (gan argymhellion

o ymarfer da ac nid gan ddeddfwriaeth) i gynhyrchu Datganiad Rheolaeth

Ariannol Mewnol fel rhan o’r cyfrifon, ‘roedd yr angen newydd am DRhF yn llawer

ehangach gan ei fod yn cynnwys elfennau eang o reoli risg, llywodraethu a’r

amgylchedd rheolaeth fewnol gorfforaethol.

(2)

bod angen cyhoeddi’r DRhF gyda’r cyfrifon terfynol.

(3)

ei bod yn hanfodol bod tystiolaeth yn ei le er mwyn cefnogi cynnwys y DRhF cyn

cyhoeddi’r ddogfen ac y byddai Swyddfa Archwilio Cymru yn adolygu’r

dystiolaeth honno yn eu hadolygiad o waith y Cyngor.

(4)

y bu datblygu fframwaith er mwyn cynnwys portffolio o dystiolaeth i gefnogi’r

DRhF yn un o dasgau allweddol yr Adain Archwilio Mewnol ac y seiliwyd y

fframwaith ar ganllawiau sydd wedi’u cynnwys mewn cyhoeddiadau CIPFA.

Defnyddiwyd datganiadau, sylwadau a gosodiadau gan swyddogion allweddol ac

o amrywiol strategaethau a pholisïau’r Cyngor i lunio’r DRhF.

Adroddodd y Pennaeth Cyllid y bydd y Datganiad Rheolaeth Fewnol wedi’i gynnwys

gyda’r datganiadau a pholisïau cyfrifo fel rhan o lyfr cyfrifon terfynol y Cyngor yn dilyn

archwiliad.

PENDERFYNWYD cymeradwyo’r ddogfen fel Datganiad Rheolaeth Fewnol Cyngor

Gwynedd ar gyfer blwyddyn ariannol 2005/06 a’r cyfnod ers dyddiad y fantolen.

Dechreuodd y cyfarfod am 10.30am a daeth i ben am 11.55am

3