Le tems ne bouge point et jamais ne repose

Jean-Baptiste Chassignet

Informations

• Publié par: ziwyag
• Nombre de lectures: 59
• Langue: Français

Extrait

Jean-Baptiste Chassignet —Mespris de la vie et consolation contre la mort

« Le tems ne bouge point et jamais ne repose »

Le tems ne bouge point & jamais ne repose, La vie instable fuit & ne chemine pas, Fortune escrime & bat sans remuer les bras, Le monde nous despesche & n’en scavons la cause.

L’amis avec l’amis se trompe à levre close, La chair sans le sentir consomme nos esbas, Languissant sans secours le ceur chet au trespas Et la nuit à nos yeus effroyable s’oppose.

La memoire de nous comme neige deffaut, Nostre gloire se passe & la mort nous assaut Entrant en la maison sans buquer a la porte.

Il n’est pas ordonné que nous vivions tousjours, Incontinant fanit le plus verd de nos jours Par l’hyver rigoureus que la viellesse apporte.