//img.uscri.be/pth/84077e2f80b96e35ca16e550312b0dc14da478c3
YouScribe est heureux de vous offrir cette publication
Lire

Occitan - Langue d'Oc (Languedocien) LV2 2000 Littéraire Baccalauréat général

De
1 page
Examen du Secondaire Baccalauréat général. Sujet de Occitan - Langue d'Oc (Languedocien) LV2 2000. Retrouvez le corrigé Occitan - Langue d'Oc (Languedocien) LV2 2000 sur Bankexam.fr.
Voir plus Voir moins
Una culhida de pomas Aquò’s aquela nuèch d’aquí que somièri de mon paire. Èrem dins un vergièr, claus de muralhas, acotat a la terrassa d’un ostal grand e dubèrt sus un païsatge de sèrres. Culhissiam de pomas pas que nosautres dos. Mon paire las amanava del bot del det e las pausava dins l’èrba. Ieu tanpauc aviái pas de panièr e m’atencionavi a plaçar las que culhissiái a costat de las seunas e de las arrengar de tal biais que faguèsson coma un camin dins lo vergièr. Me sentissiái plan, leugièr, segur. Trabalhàvem dins un silenci que fasiá mal als ausidors. Los fruches se destacavan de l’arbre, sens bruch. Sens bruch tanpauc trapavan sa plaça dins l’èrba. Mon paire montèt sus l’arbre, me parèt la man per m’ajudar a montar ieu tanben e ara èrem totes dos dins la pomièra. Per qu’arribèssi a amanar un manat de pomas a la cima d’una branca luèncha, mon paire tirèt sus la bròca, la pleguèt en arc de cèrcle e un còp que labranca foguèt a ma portada, me diguèt de la li tèner qu’aital èra de man. Emponhèri la branca, mas alara, amb una fòrça que cap de branca de pomièr torçut pòt pas aveire, la branca s’enverguèt e me sentiguèri partir amb ela fòra tot. Pòdi pas melhor dire : fòra tot. A cima de ma trajectòria i aviá pas pus ni pomièrs, ni vergièr, ni muralhas, ni terrassa, ni sèrres ni ren. Èri pas solament sens paire. Èri fòra de ieu tanben, privat de sens, privat de pes. Es alara que me desrevelhèri. Dins los cendres, una brasa calelhejava encara. Ives Roqueta, Lengadòc roge, A tots, I.E.O., 1984. Questions Compreneson (10 punts) 1) Qual es lo narrator ? Un dròlle ? Una filha ? Un òme ? Justificatz vòstra causida amb de detalhs del tèxt. 2) Qu’arriba dins lo sòmi al narrator ? 3) Relevatz e comentatz dos o tres detalhs dins lo recit del sòmi que vos semblan mai onirics. 4) Citatz quatre frasas qu’apartenon pas al sòmi.Autras questions + traduccion Expression personala (10 punts) 1) En vos apiejant sus de detalhs del tèxt, que citaretz, prepausatz una interpretacion d’aqueste sòmi. (15 a 20 linhas)2) Vos arribèt de far un sòmi que vos marquèt particularament ? Contatz-o (20 a 25 linhas)
Académie de Montpellier  Baccalauréat généralEpreuve écrite de LV2OccitanLangue dOc  Session 2000