Conte : le lion et la l'hyène

Acer

Description

TINNDOL : ( hakkunde Fowru e Mbaroodi ) _ E ñalawma gooto Fowru ne yahatnoo e nder ladde ( Foonde) sukkunde ha ndu felti e yeeso Mbaroodi , ndeke ñalnde heen Mbaroodi welaani , ndeen Mbaroodi sooyniima ndu tan ; ndi wulli heee Fowru hoto tiindiɗaa ?

Informations

• Publié par: abdoulayenguet
• Publié le: 19 février 2013
• Nombre de lectures: 83
• Licence : En savoir +
  Paternité, pas de modification
• Langue: Français

Extrait

TINNDOL
_ E ñalawma gooto Fowru ne yahatnoo e nder ladde ( Foonde)
sukkunde ha ndu felti e yeeso Mbaroodi ,
ndeke ñalnde heen Mbaroodi welaani ,
ndeen Mbaroodi sooyniima ndu tan ;
ndi wulli heee Fowru hoto tiindiɗaa ?
Fowru jokki laawol jaabtaaki .
_ Mbaroodi weddii daande : eey a reppii e tee so mi jaggii ma jooni
ma a haal ko laaɓi .
Ɗoon Mbaroodi raaŋani Fowru …
Nde Fowru yeeƴii fotde e Mbaroodi ,
Kulol joli kadi koyɗe mayru ŋooɗaa ha ndu roŋki (ronki) dogde sabu siññere !
_ Mbaroodi tawi Fowru ne gergerta , ndi wiyi : hii e Fowru mbiɗo
noddu ma ellee a nanaani !
Fowru tukkii woni e miijaade e wiyde : he haŋkadi ( hankadi) dey Mbaroodi waɗii bone
,
so Mbaroodi woppii lelli , koobi e gelooɗi , beyi e baali fof ,
Jooni heddii ko minen wonndiiɓe Mbaroodi , ndeke koy ndi waɗii bone.
_ Mbaaroodi wiyi Fowru : hay so a dogii mbiɗo waawi heɓtaade ma .
Fowru jaabtii : daɗndu hakkunde men malaani mi .
_ Mbaroodi wiyi : eywa ndaar yeeso am ngo ndañaa ko kaalɗaa heen.
_ Fowru ndaari ngo wiyi : eh laaɓaani , niɓɓiɗaani hay dononɗe gonɗe
heen ɗe ko a jejjitɗo tan sulmaade subaka .
_ Mbaroodi wiyi : jooni ar ŋabbaa e keeci am he ɓoosanaa mi sabu
mbiɗo tampi , terɗe am fu ne muusa .
_ Fowru jaabtii : ndeen dey maa haawno so yiyaama Fowru ena ŋabbi
e keeci Mbaroodi ,
Hay so ndi wonii ngumndi e colndi yo Fowru anndu ko adii ɓilde toowngal .
_ Mbaroodi heɓɓitii : eey waɗde fad mi wooñtitoo « wooñcitoo
phonétique » ndaaraa caggal am ( gaɗa) uurnonoɗaa mi,
Mbaroodi ruŋtii wuññinaade e tukkude cagga mum e kine Fowru .
Fowru uurnii , hooynii kadi yiili hoyre ufnii .Mbaroodi hucciti e Fowru ñirɓinii .
_ Fowru wiyi : hol_ ko woni ?
_ Nd i wiyi : hanti ko tawɗaa saka aɗa hooynoo haa ko aɗa ufnoo ?
_ Fowru jaabtii : uuraani , luuɓaani soko so a dañii ndiyam tiiɗno waɗ
heen.
_ Mbaroodi wiyi Fowru : hoto oornooɓe jawdi ndi keewi ñallude ?
_ Fowru wiyi : so mbiɗo anndunoo toon bone rewnataano mi e ngol
laawol ,
Hay ruuɗaade kaaƴe e cabbi aynooɓe ɓuri won’de jam e subaka hakkunde men .
_ Mbaroodi jaabtii : eey ko yiɗnoode mbete aɗa siiftora ; sinno ko
gaɗa mbeewa walla mbaalu hol sago ma heen ?
_ Fowru heɓɓitii : so wonaa aɗa waawi mi aɗa tooña mi kono ŋuurooru
, daasooru e wofooru kay ko cuŋti fof mbaawaa heɓtaade conngoori e ndasoori.
_ Mbaroodi wiyi : ko mayru anndi kayru .
_ Fowru jaabtii : hii hay mayri dey woɗɗaani kayri .
_ Mbaroodi wiyi : jooni noon hol kayri ?
_ Fowru wiyi kañum ne hol mayru ?
Mbaroodi e Fowru ne kaalda ngasnaani haa lella felti ;
Mbaroodi uŋngii tan ba furtii ,
e ladde ba ullii ,
Mbaroodi abbii ,
alaa ɗo ba moolii ,
fehre mabba bonii ,
Mbaroodi sonngii ,
Fowru widii daɗii ,
soko ndu yehii endu sunii ,
ko Allah noon anndi ko wonnoo anniya Mbaroodi e saanga nde Fowru ɓilii !
bone filtii ɓodii e lella Mbaroodi ŋolii.

Eey musiɗɓe janngooɓe en ndartintu ɗo kono ngol gasaani ,ena heddii e maggol sahtu nde Mbaroodi ŋoli , doli ne siiftora Fowru ndu…
Kadi Fowru nde yettoyii ne habri toon koreeji mum…
Ho l yiyannde mon heen ?