Gollidiiɗo: «So Gawoowo wiyii Yuwetaake Ƴiyal, Huniima kadi hoyre Memataa Ndiyam, Mbete maa Weeɓ Mbaarudi fawaade e Lahal»
Mo yiɗi potal ! Ummoto haɓɓude dadungal ! Hofta koyngal, ñoŋta balabal! Yiyloo mo renndi hare geɗal! Ko goonga en ñiɓii peŋɗe, Wuro fof sosii penngal! En ndarnii pelle, Nokku kala heɓii pellal! Batuuji keewii soko alaa nanndiral! Goomu fu ɗo woni nana dubba peɗalal! Kono ɗuum aayɗinaani coftal! Dartinaani pellital! En njiyloto hoyre boowal! Kimmiren ardin’de joom koyal! Dañɗo gital, Juutɗo junngal! Wonana en mawɗo dental! Ardonoo en gollal! Ɓaawo laŋ makko jattal! Ɗooftoɗen, keed mo caggal! So ɓalal walla ko palal, Mbaɗen dampal gootal, Ndokken mo damal! O yawtoyaa lajal! E saaktan’de en kunungal! Yiɗde men e ɗemngal! Ganndal men e maggal! Mbaɗen mo tergal!
Kelle rawraw nanndiral, rokka mo cuusal! Haala tiiɗka ɓetal! Haa to laamu men kisal! Tiiɗi ko ardaade jogoo gonal! Nde tawnoo neɗɗo ko yeeso e caggal! Omo hulee nih tawa o ñiɓinaani jeesal!