La grant beaulté de vo viaire cler

Othon De Grandson

Informations

• Publié par: shyon
• Nombre de lectures: 53
• Langue: Français

Extrait

Othon de Grandson —La grant beaulté de vo viaire cler

Ballade, XIVe siècle

La grant beaulté de vo viaire cler Et la doulseur dont vous estez paree Me fait de vous si fort enamourer, Chiere dame, qu’avoir ne puis duree. A toute heurë est en vous ma pensee. Desir m’asault durement par rigour. Et se par vous ne m’est grace donnee, En languissant defineront my jour. Allegement ne pourroye trouver Du mal que j’ay par creature nee, Se par vous non, en qui veul affermer Entierement mon cuer, sans dessevree. Il est vostre, longtemps vous ay amee Celeement, sans en faire clamour. Et, se l’amour de vous m’est reffusee En languissant defineront my jour. Si vous suppli humblement que passer Ma requeste vueillez, s’il vous agree. Assez pouez congnoistre mon penser Par ma chanson, qui balade est nommee. Plus ne vous dy, belle tresdesiree, Demonstrez moy, s’il vous plaist, vo doulsour, Car autrement soiez acertainnee En languissant defineront my jour.