NELAL (LE MESSAAGER)

Abdoulaye Yaya Nguett

Informations

• Publié par: abdoulayenguet
• Publié le: 13 juillet 2013
• Nombre de lectures: 67
• Licence : Libre de droits
• Langue: Fulah

Extrait

          NELAL

Ko joom haaju tottetee nelal ! Ganndo ɓural, paamɗo dental ! Dewoowo gootol taƴa daawal ! Coftuɗo mawɗo, baawɗo diwal ! Baɗoowo beddal yowoo e keecal ! Ɓama mbaɗɗu yaawa taaɓal ! Nannga labungal fiya cuudal ! Dimmboo haa naata gural ! Yettoo wona renndo baawal ! Ganndal saroo e dingiral ! Ɓesngu rennda pehje kawral ! Goonga feeña yooɗa gonal ! Malu yalta ndañen ballal ! Keɓen lugguru ɓulndu pinal ! Hakkille fu jogoo baagal ! Gooto kala ƴooga laaɓal ! Ɗemngal ko denndal leñal ! Hoto falo ngaddaa beñal ! Yiytetaake e nder goodal ! Hono nafoore kala ɗemngal ! Woni leñol ko ɗemngal ! Wonki leñol ko kanngol ! Nde ngal maayi fof ko yahtirde caggal ! Waɗde hujjaade fewja diisnondiral ! So yeewtere batu wontii mallondiral ! Nanndiral gedda tawta pelɓondiral ! Kaaldigal noon ko jaabondiral ! Soko janondiral wonaa jawondiral ! Yo Allah heed faddoo luural ! Tawde njiɗɗen ko gasnude lowal ! En ngardinii o joom nelal ! Ñaamataa fadaani dental ! Fewjataa yiylaaki ɗoftal !

Pooɗoowo dalillaaji ñaawira doosgal !

Yo Geno reen’ rokka mo cellal !

Ngati woytaama ne heewi jamfondiral !

Hisi e renndo men tan,

ko mbo darnaani koyngal !

E oon goɗɗo mbo janngaani ɗemngal !

Ko heddii ko nana fiya kural !

Ƴeewee kala noddoowo pullo,

e janngoowo pulal !

Ñalaaɗe mum ko duko e piyndiral !

Ronkaama waɗde mahde ɓalal !

Saka wortee jibina tabital !

Ko ɗuum haɗi en teddungal !

Ndonkuɗen pellal !

Mbaasɗen geɗal .