Cours fir Organisten Januar 2008

Fernand Kridel

Description

Rezept für ein gutes neues Jahr Man nehme: 12 Monate - putze sie sauber von Bitterkeit - Geiz - Angst und Neid und zerlege jeden Monat in 30 oder 31 Teile, sodass der Vorrat genau für 1 Jahr reicht. Just e Wuert Jeder Teil einzeln angerichtet aus 1 Teil Wéi d’Zäit vergeet: Elo hu mir schonns dat lescht Blat vum Kalenner 2007 Arbeit und 2 Teilen Frohsinn und Humor. erofgerappt a mir hun äis och schonns un dat neit Joer 2008 gewinnt. Am Numm vom Comité Central a vun der Delegéierteversammlung wënsche mir eise Chéier, Man füge 3 Esslöffel Optimismus hinzu, 1 Teelöffel Toleranz – hire Memberen an hire Familljen fir 2008 nëmmen dat Allerbescht, besonnesch 1 Körnchen Ironie- 1 Prise Takt und 1 Gramm Gottvertrauen. eng ganz gutt Gesondheet, Gléck, Zefriddenheet an Erfolleg am Privaten an am Dann wird die Masse sehr reichlich mit Liebe übergossen. Berufflechen, mee och am Chouer. De Piusverband huet déi lescht Zäit net einfach eriwwer goe gelooss, mee am Interessi vun senge Chéier ganz vill Das fertige Gericht schmücke man mit einem Sträußchen kleiner geschafft, besonnesch wat eng Parti Neierunge fir 2008 an doriwwer eraus ugeet, Aufmerksamkeiten und serviere es täglich mit Heiterkeit. déi mir hei kuerz virstelle wëllen. Dazu passt 1 Glas guter, würziger Wein F.K. Roby ZENNER President vum Piusverband 39. Generalversammlung D’Generalversammlung vum Piusverband gëtt dëst Joër samschdes, den 2. Februar 2008, nomëttes um ...

Informations

• Publié par: Fupip
• Nombre de lectures: 113
• Langue: Deutsch

Extrait

Rezept für ein gutes neues Jahr

Man nehme:

12 Monate - putze sie sauber von Bitterkeit -

Geiz - Angst und Neid und zerlege jeden

Monat in 30 oder 31 Teile, sodass der Vorrat

genau für 1 Jahr reicht.

Jeder Teil einzeln angerichtet aus 1 Teil

Arbeit und 2 Teilen Frohsinn und Humor.

Man füge 3 Esslöffel Optimismus hinzu, 1 Teelöffel Toleranz –

1 Körnchen Ironie- 1 Prise Takt und 1 Gramm Gottvertrauen.

Dann wird die Masse sehr reichlich mit Liebe übergossen.

Das fertige Gericht schmücke man mit einem Sträußchen kleiner

Aufmerksamkeiten und serviere es täglich mit Heiterkeit.

Dazu passt 1 Glas guter, würziger Wein

F.K

.

Just e Wuert

Wéi d’Zäit vergeet: Elo hu mir schonns dat lescht Blat vum Kalenner 2007

erofgerappt a mir hun äis och schonns un dat neit Joer 2008 gewinnt. Am Numm

vom Comité Central a vun der Delegéierteversammlung wënsche mir eise Chéier,

hire Memberen an hire Familljen fir 2008 nëmmen dat Allerbescht, besonnesch

eng ganz gutt Gesondheet, Gléck, Zefriddenheet an Erfolleg am Privaten an am

Berufflechen, mee och am Chouer. De Piusverband huet déi lescht Zäit net

einfach eriwwer goe gelooss, mee am Interessi vun senge Chéier ganz vill

geschafft, besonnesch wat eng Parti Neierunge fir 2008 an doriwwer eraus ugeet,

déi mir hei kuerz virstelle wëllen.

Roby ZENNER

President vum Piusverband

39. Generalversammlung

D’Generalversammlung vum Piusverband gëtt dëst Joër samschdes, den 2.

Februar 2008, nomëttes um halwer 3, am Lycée Robert-Schuman um

Lampertsbierg ofgehalen. D’Festreferat gëtt gehale vum Abbé Claude Bache,

eisem „Conseiller ecclésiastique“, iwwert d’Thema „D’Motu Proprio vu Roum a

seng Bedeitung fir eis Kichechéier: Wat ännert sech duerch déi erweidert

Zouloossung vun där virkonziliärer Form vun der Massfeier?“

.

Eis Organisten an der Philharmonie

Endlech ass et esou wäit: Eise Projet ënnert dem Numm „Eis Organisten an der

Philharmonie“ geet elo iwwer d’Bühn, an zwar samschdes, de 16. Februar 2008,

nomëttes vun 3 Auer un, an der Philharmonie. 9 vun eisen Organisten hu sech

mat ganz flotte Programmer ugemellt. Den Entrée ass fräi, an no all Optrëtt vun

engem Organist gëtt eng kleng Paus gemaach, da kënnen déi eng Leit eraus an

déi aner eran.

Jugendmass

De Comité Central vum Piusverband huet an Zesummenaarbecht mat de „Young

Nightingales“, dem Jugendchouer vun de „Bouneweger Nuechtigailercher“, eng

Jugendmass organiséiert. Si gëtt samschdes, de 26. Januar 2008, owes um

halwer 7, an der Porkierch zu Bouneweg vum Här Dechen Léon Wagener

gehalen. D’„Nightingales“ sti mat engem ganz flotte Programm ënnert der

Leedung vun der Madame Pascale De Carolis-Philippy, um Keyboard begleet de

Paul Philippy.

Hei ass de Programm: Quand s’éveilleront nos coeurs (Scouarnec/Akepsimas);

Pardon, je t’ai dit non (Bourel/Valentin); Gloire à Dieu (Klinguer/ Arr. Philippy);

Alleluia (Kobi Oshrat/Jourdan; Eurovision 1979); Saint le Seigneur (Mélodie: Oh

when the Saints, Arr. Philippy); Laisserons-nous à notre table; Papp am Himmel

(Lüderitz); Donne la paix; I’ve got a Feeling (Lorenz Maierhofer); Tu sei la mia vita

(Sequeri); Rock a my Soul.

De Comité Central vum Piusverband freet sech iwwer dës ganz gutt

Zesummenaarbecht an invitéiert Iech ganz häerzlech mat Ärer Famill an déi

Mass, déi äis weise wäert, wéi schéin a feierlech och eng Jugendmass ka sinn.

VI. Concert National

Knapps ass de V. Concert National mat groussem Erfolleg eriwwer –

d’Philharmonie war souzesoen bis op déi lescht Plaz besat – a schonns kënnegt

sech dee VI. Concert National un: d’Chorale Sainte-Cécile vu Biergem-

Steebrécken-Wickréng ënnert der Leedung vum Claudette Zeimes trëtt freides,

de 5. Dezember 2008, owes um 8 Auer, am Sall vun der Musique de Chambre an

der Philharmonie am Kader vun eise Concertë „Fräiraim“ mat engem schéine

Concert vu russescher Musik op.

Nei Dekoratioun: 60 Joer a méi

An Zesummenaarbecht mam Äerzbëschof vu Lëtzebuerg huet de Piusverband

eng nei Dekoratioun fir déi Membere vun eise Choralen agefouert, déi wéinstens

60 Joer Activitéit opzeweisen hunn. Grad wéi fir déi aner Auszeechnunge sollen

déi Leit op déi Lëscht geschriwwe ginn, déi mir de Choralë schécken, an da ginn

si vum Äerzbëschof op en Ëmfank invitéiert, op deem si en Diplom fir op d’mannst

60 Joer Mataarbecht kréien.

Prix d’encouragement

Ganz nei ass och de „Prix d’encouragement“, deen de Piusverband vun 2008 un

agefouert huet. Op Grond vun engem extrae Reglement siche mir all 3 Joer

Choralen, déi extra Initiativë fir d’Kierchemusik, de Kierchegesank, de Gesank

vun de Kanner an de Jugendleche geholl hunn. D’Choralen, déi an deem Fall

sinn, beschreiwen hire Projet kuerz op engem Ziedel, dee mir de Choralen

zouschécken. E Jury sicht dee beschte Projet eraus, dee mat engem Diplom a

mat 250 Euro belount gëtt.

Passioun 2008

Bekanntlech hat de Piusverband mat deem gréisste Projet an senger Geschicht,

der Passioun 2007, dee säi Beitrag fir d’Kulturjoer war, e ganz grousse Succès

mat bal 1500 Leit an deene 4 Kierchen. Dëst Joer gëtt d’Passioun ënnert liicht

ofgeännerter Form nach eng Kéier opgefouert, an zwar sonndes, de 16. Mäerz

2008, nomëttes um halwer 4, an der Dekanatskierch zu Réimech an den Dag

drop, méindes, de 17. Mäerz 2008, owes um 8 Auer, an der Kierch zu

Baaschtnech (Bastogne) an der Belsch, an net wéi schonns ugekënnegt an der

Kierch zu Arel (Arlon).

40. Anniversaire vum Piusverband

D’nächst Joer, 2009, feiert de Piusverband säi 40. Anniversaire. D’Virbereedunge

fir déi bescheide Feiere lafen elo schonns op Héichtouren. Si gesi virun allem

d’Éditioun vun enger Spezialnummer vum „Canticum Novum“ an zwee apart

Concertë vir.