Koddigal (voisinage)

Abdoulaye Yaya Nguett

Description

Quelque soit le problème ou la situation le linge sale se lave en famille.

Informations

• Publié par: abdoulayenguet
• Publié le: 11 novembre 2013
• Nombre de lectures: 77
• Licence : En savoir +
  Paternité, pas de modification
• Langue: Fulah

Extrait

« KOƊDIGAL » (voisinage)              Wonaa baawal ! Naamndaaki dañal ! Noddi ko cagataagal ! Yo Allah daɗndu am e hakke koɗdigal ! Ko jiidnaa jiidi fu ɓuraani koɗdigal ! Kala jotondiral , faɗɗi yooɗi ko koɗdigal ! Hay so alaa nafondiral !

Ko ngal pasiraagal e banndiraagal ! Haa to darnga ne ittanaa geɗal !

Haaɗde e ndigal , ñaawoore koɗdigal ! Ko Allah adii haalde koɗdigal ! Anndaaka ko foti e martaba duɗal ! Fooyre mawnde ñaamdooɓe e lahal !

Ko idii fof ko jokkondiral , nde weerti junngo tammbii nanndiral ! Gooto kala ko daarolgal (ndaartorgal ) ! Yiyetee e mum ko mbeelu neɗɗal ! Ena laaɓti ko natal mehal !

Soko haqiiqa o ko neɗɗaagal ! Ɓuri bon’de e renndo ko ufnondiral ! Ndaara banndi mum ɗosa gital !

Ellee anndaa ko woni kisal ! Cagataagal ko manoore neɗɗaagal ! Banndi am ar , hoto hollu am caggal ! Rew e am ngonen jaggal ! Ko aan ndenndu mi kalasal ! Gila sahre fayde doŋal ! To keeri men kolangal ! Ɓaawo jattan’ fof ko lattan’ , ndeke haa nattal Ko en gural gootal ! Hoɗduɓe e nder leegal !

Ko e laana ngoota e awƴal ! Gaajondiral to yanondirde e dingiral ! Jeewte hakkunde lewlewal ! Dente e goodondiral !

Tawti nodda e dental ! Ustiima hannde keewal ! Waɗi noon ko deentondiral ! Nattii tikkere saka tinee boowal ! Kono wontii kutondiral !

Haa ɗuum joltii kulondiral ! Waɗde wonaa e peewal ! So hoɗdiiɓe ndonkii beldal ! Ko ɓenni fof so yawtii , Wiyaa tan ko jam e deeƴal !