Declaracion de la federacion Regions e Pòbles Solidaris a l'acamp ...

Sujets

• Partit Occitan
• Gustave Alirol
• Autonomisme
• Régionalisme
• Occitanie
• Occitania
• Alliance libre européenne

Informations

• Publié par: Voxpopuli
• Nombre de lectures: 12
• Langue: Occitan (post 1500); Provençal

Extrait

Declaracion de la federacion Regions e Pòbles Solidaris

a l’acamp de l’esquèrra, lo 08 de febrièr de 2006 a París.

1 –

Regions e Pòbles Solidaris

se regaudís de la tenguda d’aqueste acamp e de la seu

dobèrtura a totes los corrents d’esquèrra, comprés la compausanta federalista. Laquala

compausanta òbra per la presa en compte de la diversitat al dintre de la Republica, la lucha

contra las inegalitats socialas mas atanben territorialas, dins l’exagòne e en Euròpa.

2 –

Regions e Pòbles Solidaris

participèt a d’autres rescontres dels corrents

d’esquèrra, mai que mai al « Foròm de las Esquèrras » que se debanèt en 2003-2004.

La Federacion, dins diferentas regions e a travèrs sas compausantas regionalas,

participèt tanben a d’unas aligança electoralas amb la màger part dels corrents representats

aicí.

Sus aqueste sicut e dins la perspectiva de las eleccions de 2007, la declaracion que

fasquèrem en comun fa qualques meses amb « Los Verds », constituís per nautres una

contribucion al necessari recampament de l’ensems de l’Esquèrra.

3 – Al moment del seu darrièr Congrés federal que se tenguèt en Bretanha al mes

d’agost de 2005,

Regions e Pòbles Solidaris

se prononcièt per una alternativa politica

d’Esquèrra en 2007. Aquesta deguent prene en compte la diversitat promòuguda per la

federacion autonomista.

4 – França es d’uèi confrontada a una crisi sociala e economica que se desvolopa dins

l’encastre de la bastison europèa e de la globalisacion mondiala. Adès França deu evoluir.

Mas, coma o mostrèt lo « non » al referendum del 29 de mai de 2005 -

RPS

se

prononcièt pel « òc »- , la solucion se trapa pas dins l’ultraliberalisme mes en òbra per

l’actuala majoritat de drecha e lo seu govèrnament (cf lo CPE e lo CNE).

Las evolucions necessàrias se devon doncas de respondre als pensaments e a las

espèras socialas. Aquò per d’unas proposicions concretas susceptiblas d’èsser retengudas dins

un accòrdi global de governament signat per l’ensems de la fòrças d’Esquèrra. Accòrdi

dobrissent camin per una alternància en 2007.

5 – La crisi de la societat francesa es tanben una crisi politica que traparà pas de

solucion que dins l’evolucion de sas institucions de cap a mai de democracia e de presa en

compte de la diversitat. Al nòstre vejaire se tracha de tornar reprener d’aquí ont se daissèt,

l’eslanç que foguèt lo de la « decentralisacion Defèrre », en 1982-1983. Ma màger part dels

Estats europèus an evoluit de cap a mai de poder regional (tal Reialme-Unit, Espanha, etc…).

França deu, ela tanben, evoluir sul sicut se vòl pas demorar la lantèrna roja de l’Euròpa.

6 – Sul terren de l’evolucion institucionala,

Regions e Pòbles Solidaris

demanda amb

prèissa que l’Esquèrra se mòstre capabla un còp de mai de brandir las piuces al « jo

centralisator), en permetant notablament la reconeisséncia plena e sancèra de las lengas e de

las culturas regionalas o minorisadas al dintre de son territòri, coma o demanda d’aise pel

defòra.

7 – Per avançar d’un biais concret e senat de cap a d’unes objectius comuns a totes los

que, a l’Esquèrra, voldran plan participir al recampament,

Regions e Pòbles Solidaris

volonta

que tre ara d’unas discutidas se dobrigan suls diferents tèmas que volem metre en debacte

public ; aquò dins la perspectiva d’un accòrdi politic per las eleccions legislativas de 2007.

8 – Lo prealable de las eleccions presidencialas non deu èsser un obstacle a

l’elaboracion d’aquestas prepausicions comunas. La pluralitat de las candidaturas, que deu pas

èsser la multiplicitat de las candidaturas, emai limitada a d’unes efèctes d’anoncia ; se

fonciona leialament, permetrà simplament a las electritz e als electors de s’exprimir

democraticament subre las seguidas que vòlon balhar a una orientacion politica d’esquèrra per

l’aprèp 2007.

9 – L’Esquèrra es pas jamai flaca quand a per escomesa de recampar totes los corrents

progressistas.