Je n'ay plus soif, tairie est la fontaine

Charles D'Orléans

Description

Découvrez le poème "Je n'ay plus soif, tairie est la fontaine" écrit par Charles d'ORLEANS (1394-1465). "Je n'ay plus soif, tairie est la fontaine" de d'ORLEANS est un poème classique extrait de Ballades. Vous pouvez le télécharger et l’imprimer au format PDF grâce à YouScribe.
En téléchargeant le PDF du poème de d'ORLEANS, vous pourrez faire une analyse détaillée ou bien tout simplement profiter de très beau vers de "Je n'ay plus soif, tairie est la fontaine".

Informations

• Publié par: Troubadour
• Nombre de lectures: 5
• Licence : En savoir +
  Paternité, pas d'utilisation commerciale
• Langue: Français

Extrait

Je n'ay plus soif, tairie est la fontaine

Je n'ay plus soif, tairie est la fontaine ;
Bien eschauffé, sans le feu amoureux ;
Je voy bien cler, ja ne fault qu'on me maine ;
Folie et Sens me gouvernent tous deux ;
En Nonchaloir resveille sommeilleux ;
C'est de mon fait une chose meslee,
Ne bien, ne mal, d'aventure menee.

Je gaingne et pers, m'escontant par sepmaine ;
Ris, Jeux, Deduiz, je ne tiens conte d'eulx :
Espoir et Dueil me mettent hors d'alaine ;
Eur, me flatent, si m'est trop rigoreux ;
Dont vient cela que je riz et me deulz ?
Esse par sens ou folie esprouvee ?
Ne bien, ne mal, d'aventure menee.

Guerdonné suis de malleureuse estraine ;
En combattant, je me sens couraigeux ;
Joye et Soussy m'ont mis en leur demaine ;
Tout desconfit, me tiens au ranc des preux ;
Qui me saroit desnoer tous ses neux ?
Teste d'assier y fauldroit, fort armee,
Ne bien, ne mal, d'aventure menee.

Prince, veillesse fait me jouer a telz jeux,
Perdre et gaingner, et tout par ses conseulx ;
A la faille j'ay joué ceste annee,
Ne bien, ne mal, d'aventure menee.