Ballade (Alain Chartier)

Alain Chartier

Informations

• Publié par: thyog
• Nombre de lectures: 39
• Langue: Français

Extrait

—Alain Chartier Ballade

BALLADE  O folz des folz, et les folz mortelz hommes, Qui vous fiez tant ès biens de fortune En celle terre, ès pays où nous sommes, Y avez-vous dechose propre aucune ? Vous n’y avez chose vostre nes-une, Fors les beaulx dons de grace et de nature. Se Fortune donc, par cas d’adventure Vous toult les biens que vostres vous tenez, Tort ne vous fait, ainçois vous fait droicture, Car vous n’aviez riens quant vous fustes nez.  Ne laissez plus le dormir à grans sommes En vostre lict, par nuict obscure et brune, Pour acquester richesses à grans sommes. Ne convoitez chose dessoubz la lune, Ne de Paris jusques à Pampelune, Fors ce qui fault, sans plus, à créature Pour recouvrer sa simple nourriture. Souffise vous d’estre bien renommez, Et d’emporter bon loz en sepulture : Car vous n’aviez riens quand vous fustes nez.  Les joyeulx fruictz des arbres, et les pommes, Au temps que fut toute chose commune, Le beau miel, les glandes et les gommes Souffisoient bien à chascun et chascune : Et pour ce fut sans noise et sans rancune. Soyez contens des chaulx et des froidures. Et me prenez Fortune doulce et seure. Pour vos pertes, griefve dueil n’en menez, Fors à raison, à point, et à mesure. Car vous n’aviez riens quant vous fustes nez.  Se Fortune vous fait aucune injure, C’est de son droit, jà ne l’en reprenez, Et perdissiez jusques à la vesture : Car vous n’aviez riens quant vous fustes nez.