DOYNGOL (LE SOMEIL)

Abdoulaye Yaya Nguett Nguett Abdoulaye

Description

Dieu seul sait comment donner son sommeil et faire aussi réveiller sa créature...Tout organisme a besoin de repos.

Informations

• Publié par: abdoulayenguet
• Publié le: 08 décembre 2013
• Nombre de lectures: 87
• Langue: Tagalog

Extrait

 ƊOYNGOL

Mi yettii Allah baɗɗo ɗoyngol !

Ngol moƴƴol belngol !

Kaawningol jaawngol !

Alaa ko nanndi e maggol !

Pinɗo kala ko adii culmagol !

Yo mantu Allah ko wonaa gootol !

Hol fof mbo anndi hono ardi ɗoyngol !

Tinaani ŋoŋi haa woni e koyɗol !

Jenngi juulaani , woppi keblagol !

Golle mboni weetndori dawol !

Laaɓii ndeke neɗɗo ne maaya ,

ko wonaa birnagol !

Maayde daɓɓol fina goɗngol !

Maayde juutngol taƴa goddol !

Hay mbo haftii fin’de kisngol ,

muumnii sikki ko seeɗa ɗoyngol ,

yo faam to harde woni to e goɗɗugol ,

ɓuri laabi fof e kala laawol !

Ndaar o leliiɗo e ndaɗɗude beertagol !

Baafal ne sokii e uddagol !

Hay gooto nanaani puggagol !

Hakkille ne doga e miijagol ! !

Terɗe ne meeroo pooftagol

Anndaa fu no woniri diiftagol !

Nawde ruuhu e newagol !

Allah moofta haa pin’gol !

So yontii waktu jaaƴagol !

Newnoowo finndina ngati ummagol !

Jeddi ngalaa ko Allah jeyi bolol !

E mawngu makko hay so wonaa jimol !

Mi tuubanii Allah joom ginol !

Ɗaaniiɗo woni ko e kommbol !

Ɗo o lelii ɗo e lommbol !

Allah anndi toon kono wonaa e daartol !

Haalotaako hay e tinndol !

So ɗaaniiɗo e ɗaaniiɗo njiydatno e ɗoyngol !

Kaalda nanndira ɓamda konngol !

Jommbaani ndeen jahol maayɓe foda gartol !

Sabu oorndaade leliiɓe wuurɓe muñanaaɓe ɗoyngol !

Hay so ɗuum waɗaani , moƴƴani neɗɗo fof ko kulol !

Ngati won ko fadi en alaa celol !

So Allah welaama hay ɗoon e ɗoyngol !

Ko roondeede faarnee ubbugol!

Dañaani biyɗo waɗaani goofol !

Soko ne sella tuubde harmina bonngol !

Yo kijjitiiɗo hebbin’birdagol !

Yettude Nelaaɗo e jaarnagol !

Noddude Allah e jaafnagol ,

waɗete kadi waɗtee gonngol !

Hay e tuma kala juulgol ,

so wonaa ɗoyngol e jejjitgol ,

ko ngaantu tan waɗi pawndirgol ,

soko alaa e juulde kay haa goɗngol ,

ɗaaniiɗo noon tawi wonaa ɗoyngol ,

oon ko majjuɗo jaltuɗo laawol ! BIEN A VOUSNGUETT POERTE (gonngol:won’de) e (goɗngol :ɗiɗaɓol)