Angingedwa

Refiloe Moahloli

Description

Morena loves his new school! There are so many fun extramural activities and games to play that he and his friends have set up their own championship. Before school starts and at break Morena and his friends plays marbles, cards, soccer and shoot hoops. After school they take the soccer online or jump into go-karts. Morena is determined to get all the points!
But it isn’t just sports that he excels at, he can come up with a rap song on the spot and has a hilarious idea for an assignment that involves bringing your favourite traditional food to school. He can’t wait to see the teacher’s reaction after the whole class experiences the effects of eating samp and beans!
If there’s one thing Morena takes seriously it is being the captain of his school’s softball team. He is good at pitching and his twin sister Rorisang is an excellent batter. But their team keeps losing! Morena isn’t scared of a challenge, he’ll try his best at any game to be a superstar. How can he help his team to do their best?
A heart-warming story that celebrates family, friendship and working together.

Sujets

• Multigenerational
• Juvenilee Fiction
• Family

Informations

• Publié par: Pan Macmillan South Africa
• Date de parution: 01 juillet 2022
• Nombre de lectures: 0
• EAN13: 9781776251643
• Langue: Zulu
• Poids de l'ouvrage: 1 Mo

Extrait

Pan Macmillan Children’s Books
www.panmacmillan.co.za


Chapter 1
Lide Ibanga eligijinywayo ukuya enkululekweni
Ubaba ubone kungcono ukuthi siqale ukugijima ndawonye ekuseni. Mina ngingukapteni weqembu le- softball. UBaba uthi kudingeka ukuthi umzimba wami ube sesimeni esihle uma ngifuna ukuholela iqembu lami empumelelweni.
Sengathi uBaba zimshiyile ke-manje. Ngokwejwayekile ngivuka embhedeni sekusele imizuzu eyishumi nanhlanu ngaphambi kokuthi siphume endlini ukuya esikoleni kodwa manje usefuna ngivuke lingakaphumi ilanga?! Okungumsangano kakhulu kulolu hlelo lwakhe ukuthi naye uyakuthanda ukulala njengami.
“Vuka, vuka, vuka! Vuka, Morena!’ UBaba utheleka egumbini lami, akhanyise ugesi, awucishe, awukhanyise awucishe.
‘Hhhaaaaaaayi bo, Baba ... Ekuseni kangaka?’ ngikhononda.
‘Sekuyisikhathi sethu sokugijima,’ kusho uBaba. ‘Sukuma, Sukuma, Sukuma!’
Ngiyozihudula ngiphuma embhedeni.

Ngingqoke, amehlo ami esavalekile. UBaba kumele angiphaphamise ngokungiqhukuluza ngendolowanwe lapho ngifikelwa ubuthongo ngisafasa izintambo zezicathulo. Lapho ngiqeda ukugqoka, ngiyomlandela, yithi labo siyoshona ebumnyameni obulandelwa wukusa.
‘Inkinga yakho ukuzimisela, mfana wami,’ kusho uBaba ngenkathi siphuma ngesango. ‘Unalo lonke ikhono lokuncintisana ezingeni lomhlaba, kodwa lokho ngeke kukuyise ndawo uma ukhohlwa ukuthi uyaphi.’
Ngiyogcinaphi uma ngiqala manje ukuba ngelinye lamaphrojekthi kaBaba? Ngakho-ke ngivele ngavuma ngekhanda ngase ngiwudonsa umzimba wami, ngithatha inyathelo elilodwa ngemuva kwelinye.
Sisagijima njalo sikhuphuka umqansa, imicabango yomdlalo wethu wokuqala we- softball ilokhu yehla ekhanda lami. Inhlekelele enje! Sehlulwa kabuhlugu ngisho nalo iqembu esasidlala nalo lalisidabukela. I- softball yinto entsha esikoleni sethu, kodwa noma kunjalo, ukwehlulwa kabuhlungu kangaka pho, kwakudabukisa.
‘Manje, uzoba ngumholi onjani?’ kubuza uBaba, ephazamisa imicabango yami. ‘Isihlabani noma umdlali othembekile?’
‘Iniiiiiiii?’ Ngihhumuzela, ngilokhu ngihlikihla amehlo ami agcwele ubuthongo.
‘Izihlabani zinamathalente. Nazo ziyakwazi lokho futhi ziyakubonisa. Zikhuthaza abanye ngokuthi zenze kangcono. Noma ... ungaba umdlali othembekile. Yena okungakhathaleki ukuthi unesiphiwo sakhe, uzibona eyingxenye yeqembu. Bobabili bayawenza umsebenzi, wena ukhetha bani?’
‘Aaaaaah, Baba. Ingabe kumele ngikhethe manje? Angikwazi ngisho nokuvula amehlo,’ ngiphendula.
‘Kuzomele ukhethe maduzane, mfana wami. Nehlulwa emdlalweni wenu wokuqala. Sheshisa, kungenjalo abanye bazokukhethela.’
Mhhh. UBaba kumele ake athi ukuphola kancane. Usezinikele kakhulu ekubeni ngukapteni kwami.


Chapter 2
Ukuzilolonga kwenza wenze kangcono
Mina nodadewethu uRorisang engiyiwele naye besizilolongela i- softball ekhaya. Besiseduzane kakhulu nasekhaya. Kwathi akasangane uMama lapho ibhola lindiza lidlula eduze nekhanda lakhe, egcekeni.

‘Morena noRorisang, phumani! Sukani egcekeni lami nalowo mdlalo wenu! Ha! Ngicishe ngafa!’ kumemeza uMama.
‘Siyaxolisa, Ma!’ sasho kanye kanye noRorisang.
Manje sesizilolongela epaki eseduzane. Siya khona kanye noBaba njalo uma ebuya emsebenzini.
‘Khumbula, kumele ugobise ingalo yakho kancane nje,’ kusho uRorisang kimi. ‘Ulipinisa kanjalo ibhola.’
‘Ngiyazama, kodwa nkosi yami, lilokhu liphunyuka ezandleni,’ kusho mina ngibubula.
Besilokhu sibuka ama-vidiyo ku- YouTube asifundisa ngamakhono e- softball . Ikakhulukazi mina – njengomphonsi – ukuthi sikunqoba kanjani ukwenza i- curveball . Uma sifuna ukuwina umdlalo wethu wesibili, kumele ngibe namaqhingana ambalwa.
URorisang, uyalishaya ibhola bo, lokho kwafakazelwa ukuthi ibhola licishe limshaye limbulale uMama.
‘Iminwe yakho ayihlale ngaphansi kwebhola,’ kusho uRorisang. ‘Bese usondeza ingalo yakho emzimbeni wakho, sengathi ufuna ukuzigona.’
Aphuma phambili ama-video e- YouTube .
Emuva kwesikhashana sengiyayithola. Ngizizwa ngizethemba kangcono njengoba siya emdlalweni ozayo. Njalo nje ntambama siyazilolonga lize liyoshona ilanga, uBaba yena azihlalele ngokuthula ngasemuva, uyasibukela.
Unakho ukulokhu ejikijela imibono yakhe ezihlalele ebentshini, ebuka. ‘Rorisang, awuthi ukuxegisa isandla kancane, uma usiqinisa kakhulu, ngeke liye kude ibhola uma ulishaya.’
‘Usho ukuthini, Baba?’ kubuza uRorisang.
‘Awuthi ukudedela umzimba kancane. Uthambise amamasela, ungawaqinisi. Uma sewushwiba, udedele umzimba kuze kube sekugcineni,’ kusho uBaba.
URorisang wenza umdanso omncane ezilungiselela ukubhetha. ‘Cabanga nje wenza lokho kuyo yonke imidlalo’, ngihleke kancane. Nokho ngingahleki isikhathi eside.
Ngemuva kokumphonsela ibhola, ngale ndlela entsha, ulishaye laya kude le ekupheleni kwepaki. Kwasithatha eside isikhathi ukuthi silithole ibhola ezihlahleni.
‘Uyabona,’ kusho uBaba emoyizela. ‘Udinga ukudedela umzimba nje.’
Kubonakala sengathi naye uBaba ulwenzile ucwaningo lwakhe ngamakhono okudlala i- softball .


Chapter 3
Ithuba lesibili
Angisakwazi ukulinda ukuzama i- curveball , ngelanga lomdlalo. Ngifuna ukubona ukuthi ngeke ngibabhayizise yini labo esidlala nabo, bangazi ukuthi ibhola livela ngakuphi.
Sengihlala ngikucabanga ukuthi ngifuna ukuba ukapteni onjani. Hha, izwi likaBaba linkenteza ezindlebeni zami!
Isihlabani! Ngikhetha ukuba yisihlabani. Negama lami ezindaweni ezikhazimulayo nakuzo zonke izindawo eziphambili.

Umdlalo wethu wokuqala siphumile. Sihamba ibangana nje ukuyofika esikoleni esizodlala naso. Ibanga elanele ukuthi uRorisang aqambe isiqubulo. Selokhu sasuka esikoleni sethu esidala, ukuya eThe Cradle ubelokhu eqamba iziqubulo.
U-Coach S uyasikhuthaza lapho siqala uhambo; yilapho-ke uRorisang avukwa wugqozi khona. Ekupheleni kohambo sonke sase sicula ingoma yakhe entsha.
‘SiyiThe Cradle, iThe Cradle
sinawo wonke amandla
okukhubaza amandla akho
sikushiye nokunye ukumangala.’
Udadewethu omncane unamakhono. Ngesikhathi singena enkundleni, imimoya yethu iphezulu.
Labo esibhekene nabo badlala kahle. Badlala kahle ngempela. Futhi bayashesha! Amabhola eza kithi eshwiza, siwageje izikhathi eziningi. Siyehluleka ukufaka imigijimo yethu ebhodini, ngisho naye uRorisang imbala.
Ngabe sivele sazihlalela ekhaya ngoba akukho lutho olulungayo. Ama- curveball ebengijabulele ukuwazama awavumi, neseqenjini lethu lutho.
Siyehlulwa futhi. Eish, eish, eish ...
Ngenkathi sehluwa emdlalweni wethu wokuqala, u-Coach S wasipha ikhekhe lokusiduduza. Kwakukuhle kakhulu nanoma uBaba wayekubona kuxakile lokhu. Kulo mdlalo angikholwa ukuthi uzosenzela umusa ofanayo.
‘Eyi, namuhla besishaya olunye udaka!’ kukhala uKyle.
‘Siya ngokuba ngcono, ngokuya emuva?’ kukhononda uSizwe.
Ukusineka kuphela ebengikwazi ukukwenza. Kuyinto yethu ukuzihleka, kodwa angikho esimweni sokwenza lokho. Ngizizwa ngidangele kakhulu.
Emuva komdlalo u-Coach S akashongo okuningi kithi, kumele ukuthi sisebenze kangcono njengeqembu. Indlela ebuyayo ayifananga neyokuya. Akuculwa futhi nengxoxo incane kakhulu – naye uRorisang ubukeka elusizi.
Kusho ukuthini ukuzilolonga kanzima kanje uma kungenzi mehluko? Akukuhle lokhu.


Chapter 4
AmaGumbagumba
NgomsoMbuluko esikoleni, ukuhlekwa ngokwehlulwa kwethu kulokhu kuqhubekile.