Siqondephi Manje? Indatshana zaseZimbabwe

Description

The book, the translation of Long Time Coming into Ndebele from English, brings together short stories and poems from thirty-three writers that provide snapshots of this turbulent period in Zimbabwe's history. Snapshots of living in a country where basic services have crumbled: where shops have no food, taps no water, banks no money, hospitals no drugs, bars no beer. Snapshots of characters surviving against seemingly insurmountable odds. Horrific snapshots of the abuse of power, of violence and oppression, of the destruction of dreams. But this is Zimbabwe and there are lighter moments and moments of hope: in some of life's simple pleasures, in the coming of the rains, in the wink and the smile of a stranger, in a challenge to patriarchy, in the inner strength of the people, in fighting back.

Sujets

• Collection
• Collections

Informations

• Publié par: amabooks
• Date de parution: 04 mars 2014
• Nombre de lectures: 0
• EAN13: 9780797494541
• Langue: Ndebele, North

Extrait

SIQONDEPHI MANJE?
Indatshana zaseZimbabwe
SIQONDEPHI MANJE?
Indatshana zaseZimbabwe
Ziqoqwe zahlelwa nguJane Morris
Zitolikwe zisuka esiLungwini zisiya esiNdebeleni nguThabisani Ndlovu
ISBN 978-0-7974-9449-7 EAN 9780797494497
This collection: amaBooks, 2014
Each contribution remains the copyright of the author
This Translation: Thabisani Ndlovu
Published by amaBooks P.O. Box AC1066, Ascot, Bulawayo [e-mail] www.amabooksbyo.com
Cover Design: Veena Bhana
amaBooks would like to express their thanks to the Open Society Initiative for Southern Africa for making this publication possible.
No part of this publication may be reproduced, stored in a retrieval system, or transmitted in any form or by any means, electronic, mechanical, photocopying, recording or otherwise, without the prior permission of the publisher.
This book is a work of fiction: any characters, organisations and situations mentioned bear no relation to any real person, organisation or actual happening.
Okuqukethweyo
Isibongo
Isandulelo
Inyamazana yendoda leqhalaqhala lomfazi Mapfumo Clement Chihota
Itshatshazi elinguChristina Barbara Mhangami-Ruwende
Ngingum Afrika, akunjalo? Mzana Mthimkhulu
Kwenziwa umfazi opheleleyo Thabisani Ndlovu
Lokhu lalokhuya-yimpilo leyo! NoViolet Bulawayo
Ijwabu lakhe lisamephu Raisedon Baya
Kwandlela ziyaphambana Novuyo Rosa Tshuma
Umatshuna ipiyano Bryony Rheam
Imbongi yodumo Nyevero Muza
Ngedwa Fungai Rufaro Machirori
Bayeza Christopher Mlalazi
UMnumzana Magodi Diana Charsley
Ubuqhwawe thutshu Murenga Joseph Chikowero
Wafa-wafa Blessing Musariri
Izigojwana zamatamatisi John Eppel
Isidingo Sandisile Tshuma
Abalobi abakuleli qoqo lezindatshana
Isibongo
Okokuqala, ngithanda ukubonga uJane Morris, umhleli wogwalo lwesiLungu oluthiwa, Where to Now? Short Stories from Zimbabwe, ngokungipha ithuba lokutolika indatshana ezikuleliqoqo ngizisa esiNdebeleni. Ngibonge njalo abalobi abakulolugwalo, ukungivumela ukuthi ngitolike indatshana zabo. Ngibabonge njalo, ukuthi basitholile isikhathi sokusebenza lami munye ngamunye, behlola ukuthi indatshana zabo zitolikwe ngendlela esuthisayo. UZanele Muyambo nguye ofunde lolugwalo lungakadindwa, ecolisisa okudinga ukucolwa - ngiyambonga laye. Emsebenzini omkhulu kangaka, kuyabanjiswana. Umkami, uSiphathisiwe Ndlovu, bengixoxa laye ngezindatshana lezi kunye lokusetshenziswa kolimi lwesiNdebele. Ngiyabonga nkosikazi - uphathise kakhulu.
Isandulelo
Enye yezinjongo eziqakathekileyo ekutolikeni indatshana ezikulolugwalo, yikuthuthukisa ulimi lwesiNdebele kunye lokukhuthaza abalobi bakuleli ukuthi babhale ngalolulimi. Kube lithuba elihle-ke ukutolika ezinye zezindatshana ezibhalwe ngobuciko iZimbabwe yonke jikelele. NgesiLungu, zilotshwe ngobuciko lezindatshana - zilomfutho, ziyahlakaza, ziyahlekisa, ziyadanisa - zivusa usinga. Ezinye zephula imithetho esiyijayeleyo mayelana lokuphawula ukubhala. Uthola ezinye zintantalaza zingasebenzisi isiphawulankulumo ngitsho; ezinye uthole zivubanisa okwenzakala kudala lokwenzakala ngesikhathi sokulandisa indatshana. Konke lokhu ngizame ngendlela zonke ukuthi kukhanye kla ekutolikeni. Ozifundayo lezindaba ngesiNdebele, uzajabula ukuthi kulutshwane okulahlekileyo. Lokho kungoba ngithethe isikhathi eside ngizifunda, ngizilalelisisa, okukadokotela lomtshina wakhe, elalele ukutshaya kwenhliziyo. Ngaleyondlela-ke, uzathola ukuthi ulimi olusetshenzisiweyo lufanele indatshana yakhona; lulimi njalo olusetshenziswa ngabantu bakulezi nsuku.
Bakhona abazasola, njengoba bengasweleki. Ngiyabezwa besithi, Lelo libala lesiLungu, ayisilo lesiNdebele. Kumbe bathi, EsiNdebeleni iziqa zamabala azilandelani ngaleyo ndlela. Kuthi abanye uzwe besithi, Kulamabala athi bhadla kakhulu endaweni yokuthi kusetshenziswe ahloniphayo. Nansi imizekeliso. Sonke siyayazi ifriji. Ukukhuluma ngekhabothi yomqando lokunye okunjalo yinkalakatha yenhlekisa. Ukhona oyibiza esithi firiji ? Kusuka kube yisiShona nxa singafaka u i ngemva kuka f. Ngokufanayo, iphaspoti yiphaspoti, iplastiki yiplastiki. Uzathola amabala afana lo hlanza, izibunu, lamanye anjalo. Amabala la awaphoselwanga nje. Ukusebenzisa ahloniphayo bekuzathundubeza indatshana, kuthi lokho obekufuna ukutshiwo ngumlobi kungacaci. Besengisithi umsebenzi wami ngowani? Kanti njalo amabala amanengi abanye abathi akumelanga abhalwe phansi ngamabala esiwakhuluma nsuku zonke kungakhathalekile ukuthi ngubani okhona. Asithathe elithi izibunu. Uzwa bethi abantwana abahawulayo, abangela zigqoko ezizwayo, bahamba ngezibunu egcekeni. Olezibunu ezinkulu ngolezibunu ezinkulu; ongalazo kalazo - sikhuluma njalo kungabi lehlazo. Pho-ke kusuka ngaphi ukuthi sifune ukukuguqula lokho nxa siloba? Ngicabanga ikakhulu okwenzakalayo kulezizindatshana. Umlingiswa othukutheleyo kumele kukhanye ukuthi uthukuthele, langendlela asebenzisa ngayo ulimi. Njengomtoliki, ngilomlandu wokuthi indlela indatshana elotshwe ngayo ngesiLungu ingasuki yehlukane kakhulu lengikutolikileyo.
Izikhathi ziyatshintsha, abantu labo batshintshe, lolimi lwenze okufanayo. IsiLungu saphumelela ngaleyo ndlela - siseboleka amabala, sibuye siphange ukufaka esiphaleni amabala aguqulwe yisikhathi. Abanye bathi isiNdebele sesisifa. Engivumelana lakho yikuthi ingwalo zesiNdebele asisakwazi lokuzibona, kudala zacina ukudindwa. Kodwa ulimi lona ngokwalo luyaphila. IsiNdebele salamhlanje ngeke sifane leseminyakeni engamathsumi amabili adlulileyo. Kulamabala okumele siwamukele njengamabala esiNdebele. Amabala afana labo skulufizi , eralini , iklasi , ukudiza , drayiva kunye lo khastoma. Kuhle sibili ukufuna amabala esiNdebele qho, afana lokuthi umtshayeli kumbe tshayela. Bangaki abakhuluma ngaleyo ndlela? Ukuthi ulimi lungafi, abantu abalukhulumayo baluthande lalapho selubhalwe phansi, kumele kube lulimi abalujayeleyo, olwansukuzonke, hatshi olwantolontolo. Angitsho ukuthi wonke amabala amadala kumele siwalahle. Nxa sisebenzisa igama, kumele sizibuze ukuthi yilo elingcono na lapho esilisebenzisa khona? Kukhona njalo indlela ezintsha zokukhuluma. Abantu bakhuluma ngestayila, ngokungena ku imeyili, ngokuhlaba (ukugqoka) ijini. YisiNdebele sonke leso.
Mthwakazi, sengikhulume kwenela. Ulimi olukhulayo ngolusetshenziswayo, kuvunyelwa amagama amatsha lendlela ezintsha zokukhuluma - indlela ezikhomba ubugabazi babantu ekusebenziseni ulimi. Lokhu kuzadala ukuthi ababona ubugabazi babanye, bazwe belentshukuntshu yokusina ngcono. Ngithemba lizathi ngokufunda lezizindatshana, libe lomfutho wokuthuthukisa ukuloba lokukhuluma isiNdebele.
Thabisani Ndlovu
Johannesburg 2014
Inyamazana yendoda leqhalaqhala lomfazi
Mapfumo Clement Chihota
Asimandla uBulelwa, yisambane, ikakhulu nxa ezondile. Kadinganga kuncediswa ukukhupha konke okubiza yena ekamelweni lami: izigqoko, ingubo, umtshina wokuwatsha, idabuli bhedi, umntwana . Umzawakhe uNompi wathi ebona umfula uthwala lezigodo, wathi nyawo ngibeletha esiyaphuma igedi. Umngane wami uChikoko, wadobha enye yezingubo zami wazithandela ngayo wazihlalela esihlalweni esintofontofo endlini yokuhlala, qede wawozela. Mina ngangimile nje, okomuntu obanjwe yigetsi, ngibukele uBulelwa ekhupha yonke into endlini. Wathi eqeda lapho watshayelela isivalo wahamba. Ngemva kwalokho ngangena ekamelweni lami, lapho okwakungathi kusanda kudlula inkalakatha yesivunguzane. Ngokudela, ngazilalela phansi.
Akutsho, sowake wabona umfazi lendoda bexabana kumbe besehlukana? Kwakuyindlela yami yokuqala ingxoxo loChikoko; indlela yokuziduduza ngemva komhlolo kaBulelwa owahle wabasela amakhanda ebhabhalazi. Kwakungumzamo njalo wokuthi mhlawumbe amakhanda ebhabhalazi angathula ukukhanda. Ngimbuza nje uChikoko sesisekhitshini emini yantambama, siphekela ukudlela lentambama. Ngasengimqalile u Chikoko ngoba uvele uphiwe emlonyeni lapha.
Ngangingumntwana ngiyibona ingxabano enjalo. Kuze kube lanamuhla angilaqiniso lokuthi ngangizwisisa yini ukuthi kwenzakalani. Ame kancane uChikoko, aphosele itamatisi esitshebeni linjalo engalisikelelanga. Abeseqhubeka, Uyabona, ngangilomalume owayetshaya umthetho njengomthetho emzini wakhe. Kodwa umthetho owawuthi ungephulwa aphose ukubulala umuntu, ngowokungena engadini yakhe yebilebile. Wayetshaya phansi ngenduku esithi akulamuntu ngitsho loyedwa , okumele alugxobe engadini yakhe yebilebile. Ingadi le yayithe sece emdulini wendlu yakhe yokulala. Kwakunguye kuphela ohlakulayo aphinde athelele. Lalimvuma ibilebile lakhe! Kwakuyimzila emine kumbe emihlanu eyezihlahla zebilebile, zifolile. Ibilebile ngokwalo lalisezigabeni ezitshiyeneyo zokuvuthwa: kuthi eliluhlaza tshoko, kuzothi elingamathube, kunye lelibomvu gebhu!
Kulezinto ezimbili ezenza abantu bacabanga ukuthi kukhona okwakukhonayo ebilebileni likamalume. Okokuqula, umkakhe wabeletha amaphahla angabafana kwaze kwaba kabili, amanye amadoda etshaya amankazana kuphela. Waphosa wawabulala lamaphahla okuqala, ecatshulwe yikuthi ibhola leplastiki ayelidlala lawela engadini yebilebile wona asengena esiyalidobha. Amahungahunga ayethi amandla kamalume endabeni zemacansini ayephuma kulo leli bilebile lakhe. Kuyini okwakungamenza aphose abulale umuntu, embulalela izihlahla zebilebile? Yini njalo into eyayimenza athole abantwana abangabafana ngababili ngababili amanye amadoda ethwala nzima khona nje ukuthola abantwana abangamankazana njalo bezalwa munye ngamunye?
Ngasikhatshana nje, yonke indoda esigabeni yayisiligxozela amathe ibilebile likamalume. Noma nje umalume wayehlala ethule, engangeneki lula, amanye amadoda aphemba ubungane, efisa njalo ethandaza ukuthi ngelinye ilanga umalume angawazwisa ibilebile lakhe. Umalume wayekubona konke lokhu epholile nje. Kwakuthi nxa indaba yebilebile isibhoboka, ahle avuke ubhova. Wayeqala ngokuhleka yedwa, atshaye izandla, anikine ikhanda okomuntu okhuza umhlol